Malé povečerie 31.7.

Jeréj: Blahoslovén Boh náš vsehdá nýňi i prísno i vo víki vikóv.

(ášče že ňísť jeréja moľáščasja, načinájem: M**olítvami svjatých otéc nášich, Hóspodi Iisúse Christé Bóže náš, pomíluj nás.)

I mý: Amíň.

Sláva Tebí Bože náš, sláva Tebí.

Carjú nebésnyj, uťišiteľu, dúše ístiny, íže vezďí sýj i vsjá ispolňájaj, sokróvišče blahích i žízni podáteľu, priidí i vselísja v ný, i očísti ný ot vsjákija skvérny, i spasí, bláže, dúšy náša.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Amíň.

Hóspodi, pomíluj. (6x)

Hóspodi, pomíluj. (6x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 50

Pomíluj mja, Bóže, po velícij mílosti tvojéj. – I po mnóžestvu ščedrót tvojích očísti bezzakónije mojé. – Najpáče omýj mja ot bezzakónija mojehó, i ot hrichá mojehó očísti mja. – Jáko bezzakónije mojé az znáju, i hrich moj predomnóju jesť výnu. – Tebí jedínomu sohriších i lukávoje pred tobóju sotvorích, jáko da opravdíšisja vo slovesích tvojích, i pobidíši vnehdá sudíti ti. – Se bo v bezzakónijich začát jesm, i vo hrisích rodí mja máti mojá. – Se bo ístinu vozľubíl jesí: bezvístnaja i tájnaja premúdrosti tvojejá javíl mi jesí. – Okropíši mja yssópom i očíščusja, omýješi mja, i páče sňíha obíľusja. – Slúchu mojemú dási rádosť i vesélije, vozrádujutsja kósti smirénnyja. – Otvratí licé tvojé ot hrich mojích: i vsja bezzakónija mojá očísti. – Sérdce čísto sozíždi vo mňi, Bóže, i duch prav obnoví vo utróbi mojéj. – Ne otvérži mené ot licá tvojehó, i Dúcha tvojehó svjatáho ne ottimí ot mené. – Vozdážď mi rádosť spasénija tvojehó, i Dúchom vladýčnym utverdí mja. – Naučú bezzakónnyja putém tvojím, i nečestíviji k tebí obraťátsja. – Izbávi mja ot krovéj, Bóže, Bóže, spasénija mojehó: vozrádujetsja jazýk moj právďi tvojéj. – Hóspodi ustňí mojí otvérzeši, i ustá mojá vozvisťát chválu tvojú. – Jáko ašče by voschoťíl jesí žértvy dal bych úbo, vsesožžénija ne blahovolíši. – Žértva Bóhu duch sokrušén: sérdca sokrušénna i smirénna Boh ne uničižít. – Ublaží, Hóspodi, blahovolénijem tvojím Sijóna, i da soziždutsja sťíny Jerusalímskija. – Tohdá blahovolíši žértvu právdy, voznošénije i vsesožžehajémaja, tohdá vozložát na oltár tvoj telcý.

Psalóm 69:

Bóže v pómošč mojú voňmí, Hóspodi, pomoščí mi potščísja. – Da postyďátsja i posrámjatsja, íščuščiji duší mojejá. – Da vozvraťátsja vspjať i postyďátsja, choťáščiji mi zlája. – Da vozvraťátsja ábije styďáščesja, hlahóľuščiji mňi: bláhože bláhože. – Da vozrádujutsja i vozveseľátsja o tebí vsi íščuščiji tebé Bóže, i da hlahóľut výnu: da vozvelíčitsja Hospoď, ľúbjaščiji spasénije tvojé. – Az že nišč jesm i ubóh, Bóže, pomozí mi. –Pomóščnik moj i izbáviteľ moj jesí ty, Hóspodi, * ne zakosní.

Psalóm 142:

Hóspodi uslýši molítvu mojú, vnuší molénije mojé vo ístiňi tvojéj, uslýši mja vo právďi tvojej. – I ne vnídi v súd s rabóm tvojím, jáko ne opravdítsja pred tobóju vsjak živýj. – Jáko pohná vrah dúšu mojú, smiríl jesť vo zémľu živót moj. – Posadíl mja jesť v témnych jako mértvyja víka, i uný vo mňi duch moj: vo mňi smjatésja sérdce mojé. – Pomjanúch dni drévnyja: poučíchsja vo vsich ďíľich tvojích, vo tvorénijich rukú tvojéju poučáchsja. – Vozďích k tebí rúci mojí, dušá mojá jako zémľa bezvódnaja tebí. – Skóro uslýši mja, Hóspodi, isčezé duch moj. – Neotvratí licá tvojehó ot mené, i upodóbľusja nischoďáščym v rov. – Slýšanu sotvorí mňi zaútra mílosť tvojú, jáko na ťa upovách. – Skaží mňi, Hóspodi puť vo oňže pojdú, jáko k tebí vzjach dúšu mojú. – Izmí mja ot vrah mojích, Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. – Duch tvoj blahíj nastávit mja na zémľu právu, ímene tvojehó rádi, Hóspodi, živíši mja právdoju tvojéju. – Izvedéši ot pečáli dúšu mojú, i mílostiju tvojéju potrebíši vrahí mojá. – I pohubíši vsja stužájuščyja duší mojéj, jáko áz rab tvoj jésm. – Uslýši mja Hóspodi v právďi tvojéj, i ne vnídi v sud s rabóm tvojím. – Uslýši mja Hóspodi v právďi tvojéj, i ne vnídi v sud s rabóm tvojím. – Duch tvoj blahíj,* nastávit mja na zémľu právu.

Male slavoslóvije

Sláva vo výšnich Bóhu, i na zemlí mir, vo čelovícich blahovolénije. Chválim ťa, blahoslovím ťa, kláňajemtisja, slavoslóvim ťa. - Blahodarím ťa, velikíja rádi slávy tvojejá, Hóspodi, Cárju nebésnyj. - Bóže Otče vsederžíteľu, Hóspodi, Sýne jedinoródnyj Isúse Christé, i Svjatýj Dúše, Hóspodi Bóže. - Áhnče Bóžij, Sýne Otč. - Vzémľaj hrich míra, pomíluj nas.- Vzémľaj hrichí míra, prijmí molítvy náša. - Siďáj odesnúju Otcá, pomíluj nás. - Jáko ty jedín svjat, ty jedín Hóspoď, Isús Christós, vo slávu Bóha Otcá, amíň. - Na vsjak deň blahoslovím ťa, i voschválim ímja tvojé vo vik, i vo vik víka. - Hóspodi, pribížišče byl jesí nam, vo rod i rod. - Az rich, Hóspodi, pomíluj mja, i iscilí dúšu mojú, jáko sohriších tebí. - Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. - Jáko u tebé jesť istóčnik životá, vo svíťi tvojém úzrim svít. - Probávi mílosť tvojú víduščym ťa. - Spodóbi, Hóspodi, v nošč sijú, bez hrichá sochranítisja nám. - Blahoslovén jesí, Hóspodi Bóže Otéc nášich, i chváľno i proslávlenno ímja tvojé vo víki, amíň. - Búdi, Hóspodi, mílosť tvojá na nás, jákože upováchom na ťa. - Blahoslovén jesí, Hóspodi, naučí nás opravdánijem tvojím. - Blahoslovén jesí, Vladýko, vrazumí nás opravdánijem tvojím. Blahoslovén jesí, Svjatýj, prosvití nás opravdániji tvojími. - Hóspodi, mílosť tvojá vo vík, ďil rukú tvojejú ne prézri.- Tebí podobájet chvalá, tebí podobájet pínije.- Tebí sláva podobájet, Otcú i Sýnu i Svjatómu Dúchu - I nýňi i prísno,* i vo víki vikóv, amíň

Víruju vo jedínaho Bóha Otcá, vsederžíteľa, tvorcá néba i zemlí, vídimych že vsich i nevídimych. – I v jedínaho Hóspoda Isúsa Christá Sýna Bóžija * jedinoródnaho, iže ot Otcá roždénnaho préžde vsich vik. – Svíta ot svíta, Boha ístinna ot Boha ístinna, * roždénna, nesotvorénna, jedinosúščna Otcú, ímže vsja býša. – Nas ďíľa čelovik, i nášeho rádi spasénija sšédšaho s nebés, * i voplotívšahosja ot Dúcha svjáta, i Maríji Ďívy, i vočelovíčšasja. – Raspjátaho že za ny pri Pontíjsťim Piláťi, i stradávša i pohrebénna, * – i voskrésšaho v tréťij deň po pisánijem. – I vozšédšaho na nebesá, i siďáščaho odesnúju Otcá, * i páki hrjadúščaho so slávoju sudíti živým i mértvym, jehóže cárstviju ne búdet koncá. – I v Dúcha Svjatáho, Hóspoda životvorjáščaho, * iže ot Otcá [i Sýna] ischoďáščaho – Iže so Otcém i Sýnom spoklaňájema i soslávima, * hlahólavšaho Proróki. – Vo jedínu, svjatúju, sobórnuju i apostolskuju Cérkov. – Ispovíduju jedíno kreščénije * vo ostavlénije hrichóv. – Čáju voskresénija mértvych. * I žízňi búduščaho víka. Amíň.

kanón presvjaťíj Bohoródici. Hlás 7:

[Písň 1]

irmós: Sokrušívšemu bráni mýšceju svojéju, i vsádniki tristáty pohruzívšemu, pojím jemú, jáko izbáviteľu nášemu Bóhu: jáko proslávisja.

Pripív: Presvjatája Bohoródice, spasí nás.

Jáko ukrašénije pínijem, i písň Bohopodóbnu blahodarénija tí dáry prinósim: jéže rádujsja nýňi čístaja, jáko ot pečáli rádosť nám podalá jesí.

Mílosti tvojejá blahodáť, i pokróva kríposť, ne premolčím Ďívo prečístaja: jáko ot bíd ľútych nás spaslá jesí.

Sláva: Ot razlíčnych izbávľšesja iskušénij i skorbéj, máternimi tvojími molítvami prečístaja, sohlásno i tépľi blahodarénija tebí vsí hlásy pojím.

I nýňi: Rjásnami ispeščréna jáko zlatými dobroďítelmi, i Dúcha blahodáťmi prečístaja, jáko nevísta Ótča ukrasívšisja, voístinnu javílasja jesí Máti Bóhu.

[Písň 3]

irmós: V načáľi nebesá vsesíľnym slóvom tvojím utverždéj Hóspodi Spáse, i vseďíteľnym i Bóžijim Dúchom, vsjú sílu ích, na nedvížimim mjá kámeni ispovídanija tvojehó utverdí.

Rádosti božéstvennyja velíčije, jáko ot načála nám veséliju, blahodarénija hlásy prinósim priľížno, počitájušče jú jáko predstáteľnicu nášu.

Íže tobóju izbávľšesja ot bíd, i tebé rádi rádosť polučívše, Máti beznevístnaja, jáko podáteľnicu blahúju, i zastúpnicu blahochváľnu vsí proslavľájem.

Sláva: Izminénije prehrišénij i napástej, božéstvennoju tvojéju molítvoju prijémľušče, Máti Christá Bóha, jáko vinú blahích vospivájem ťá vírno blahodárnymi hlásy.

I nýňi: Jáže rádosti istóčnik bezsmértnyja, tóčit strují prísno, i spasájet vsích samá: jáko prisnožíznennoje nám blahodajánije, Máti Christá Bóha.

[Písň 4]

irmós: Pokrýla jésť nebesá Christé Bóže, smotrénijem tvojím, dobroďítel neizrečénnyja múdrosti tvojejá čelovikoľúbče.

Dostójnu tí písň rádovanija čístaja Ďívo, veseľáščesja prinósim, izbávľšesja ot bíd tvojími molítvami.

Blahodárstvenno tebí Ďívo čístaja, dušévnyma rukáma vnósim pínije, božéstvennymi písňmi ihrájušče, ot pečáli izbávľšesja mnóhija.

Sláva: Vozdvihóša na ný bidý mnóhi strastníji hrisí: no božéstvennym tvojím pokróvom čístaja, nás izbávi.

I nýňi: Blažéni voístinnu čtúščiji ťá, Bohoródice prečístaja, jáko tobóju hrichá i pečáli izbávichomsja.

[Písň 5]

irmós: Nóšč nesvitlá nevírnym Christé, vírnym že prosviščénije v sládosti slovés tvojích: sehó rádi k tebí útreňuju, i vospiváju tvojé Božestvó.

Hrichá potrebíteľa Christá Ďívo rodilá jesí, ímže ot napástej i boľíznej spasésja mír: ťímže rádujsja, i mý vopijém tí, izbávľšijisja pečálej.

Objémšesja razlíčnymi napásťmi čístaja Vladýčice, i pečáliju i skórbiju, i ľútym obstojánijem, otčájavšesja mý vesélija, nadéždu ťá obritóchom.

Sláva: Jáko spasénija chranílišče nám rabóm tvojím čístaja, othoňáješi napásti, i sobľudáješi nevredímy. Ťímže pričástnicy mnóhich tvojích bláh, blahodarím ťá písňmi.

I nýňi: Bláhodarím ťá izbávľšesja tobóju hrichóv mnóhich, i némoščej i boľíznej i nedúh ľútych prečístaja Vladýčice: nadéžda bo jesí tverdá tvojím vírnym rabóm.

[Písň 6]

irmós: Vo hlubinú hrichóvnuju vpádsja bláže, jáko Jóna ot kíta vopijú ti: vozvedí ot tlí živót mój, i spasí mja čelovikoľúbče.

Ánheľstiji jazýcy dostójno tvojá chvalý vospíti ne móhut čístaja: mý že nýňi rábski vzémšesja, rádovanije Havriílovo prinósim tí.

Vo hlubinú pečáli i obstojánija hrichí nášimi vpádše, izbávichomsja tobóju ot núždy i napástej, Ďívo Bohoródice čístaja.

Sláva: Pod dólhom soďílasja vés mír, čístaja, blahodaríti, i chvalíti, i sláviti blahodáť tvojú blahočéstno: tobóju bo bíd i pečálej izbávleni býchom.

I nýňi: V noščí i vo dní, jávi i vtáj, pod tvój pribihájem pokróv, prečístaja Ďívo, íže ťá vírno slavoslóvjaščiji.

Hóspodi pomíluj, tríždy. Sláva, i nýňi: Sidálen, hlás 7. Hóspodi, mý jesmý ľúdije tvoí, i óvcy pážiti tvojejá, zablúždšich jáko pástyr obratí nás, tléju rastočénych soberí nás: pomíluj stádo tvojé, umilosérdisja na ľúdi tvojá, molítvami Bohoródicy, jedíne bezhríšnyj.

[Písň 7]

irmós: V péšč óhnennuju vvérženi prepodóbniji ótrocy, óhň v rósu preložíša, vospivánijem síce vopijúšče: blahoslovén jesí Hóspodi Bóže otéc nášich.

Rádovanije blahodárstvennoje tebí prinósim, Máti Bóžija: jáko voístinnu tobóju izbávleni vsjákaho zláho načinánija, i sohlásno tebí pojém: blahoslovénna jesí.

Vodvoríchomsja v véčer v pláči pečálej, i čájaniji zlých: no tvojím Bohoľípnym króvom Ďívo, obožéni bývše, obritóchom rádosť zaútra: tý bo spaslá jesí nás.

Sláva: Jáko božéstvennoje pribížišče, mý pokróv tvój vsí sťažávše k Bóhu, v napástech i honénijich i hrisích, k tebí pribihájem, i tobóju izminénije prijémlem, prečístaja.

I nýňi: Bláhodáť molítvy tvojejá čístaja, propovídujem ustý i Dúchom, slávnaja: jáko tebé rádi, napásti i búri, i ťážkich pečálej, i hrichá strastéj vsí izbavľájemsja.

[Písň 8]

irmós: Strášnaho cheruvímom, i čúdnaho serafímom, i míru tvorcá, svjaščénnicy i rabí, i dúsi právednych, pójte, blahoslovíte i prevoznosíte jehó vo víki.

Jáko izbávľšesja búri hrichóvnyja i strastéj, i napástej tvojími molítvami Bohoródice blahája, blahodárstvennym hlásom, rádujsja, vopijém tí: jáko tobóju ot pečáli v rádosť prešédše.

V boľíznech i napástech oderžímyja ne prézri blahája, no moľbú chudúju uslýšavši, svobodí nás ot skorbéj velíkich: da vírno tvojú molítvu čístaja, vospivájem.

Sláva: Prehrišénij razrušéniju viná, nýňi vozstávi nás ot pečálej, napástej i strastéj čelovík, i iskušénija nepodóbna: tvojími že Bohoródice božéstvennymi moľbámi, izbávi nás ot ních preslávno.

I nýňi: Ščedróty tvojá na vsích vsehdá nizposylájutsja, Christé, blahodátiju voístinnu i moľbámi róždšija ťá: ot tebé bo prijémlem christijáne mílosť tvojú, Spáse mílostive.

[Písň 9]

irmós: Páče jestestvá Máter, i po jestestvú Ďívu, jedínu v ženách blahoslovénnuju, písňmi vírniji Bohoródicu veličájem.

Rádovanije po dostojániju, so hlásom vosklicánija tebé Ďívo, nýňi prinósim so ánhelom Havrijílom, izbávľšesja ot razlíčnych iskušénij Bohoródice, molítvami tvojími.

Rádosť i vesélije, i rádovanije božéstvennoje, Ďívo neiskusomúžnaja, nám umnóžisja Bóžije: sé bo pláčuščijisja ľúťi, rádujemsja molítvami tvojími.

Sláva: Žértvu chvalénija požrú, i jazýkom i hlásom, písň blahodárstvennuju vozdajú ti priľížno, Ďívo: jáko da tebí moľásja, v déň pečáli tobóju izbávľusja.

I nýňi: Srádujemsja prečístaja, božéstvennomu tvojemú roždéstvú blahočéstno: rádosť bo nám istočíla jesí ot napástej i pečálej. Ťímže tí blahodárno i mý písň soveršájem, vírno vospivájušče ťá.

Dostójno jésť jáko vo ístinu blažíti ťá Bohoródicu, prisnoblažénnuju i preneporóčnuju i Máter Bóha nášeho. Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Kondák, hlás 7: Ne ktomú deržáva smértnaja vozmóžet deržáti čelovíki: Christós bo sníde sokrušája i razorjája síly jejá. Svjazúem byvájet ád, prorócy sohlásno rádujutsja: predstá, hlahóľušče, spás súščym v véri, izydíte vírniji v voskresénije.

Hóspodi pomíliuj 40x

Molitva: Íže na vsjákoje vrémja i na vsjákij čas, na nebesí i na zemlí poklaňajemyj i slávimyj, Bóže blahíj, dolhoterpilívyj i mnohomílos-tivyj, právednyja ľubjáj, i hríšnyja mílujaj, vsjá zovýj ko spaséniju, obiščánija rádi búduščich blah: sám, Hóspodi, priimí í náša v čás séj molítvy, i isprávi živót naš, k zápovidem tvojím dúšy náša osvjatí, ťilesa očísti, pomyšlénija isprávi, rázum ucilomúdri, i istrézvi, i izbávi nás ot vsjákija skórbi, zól i boľíznej, i ohradí nas svjatými ánhely tvojími, jáko da opolčénijem ich sobľudájemi í nastavľájemi, dostíhnem v jedínstvo víry, i v rázum neprikosnovénnyja tvojejá slávy: jáko blahoslovén jesí vo víki vikóv, amiň.

Hóspodi pomiluj 3x.

Sláva: I nýňi:

Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Ímenem Hóspodnim blahoslovi ótče.

Svj. Bóže, uščédri my, i blahosloví ny, prosvití licé tvojé na ny, í pomíluj ny.

Ľ.: Amiň.

Molítva: Neskvérnaja, nebláznaja, netľínnaja, prečístaja Ďívo, Bohonevísto Vladýčice, Bóha Slóva čelovíkom preslávnym tvojím roždestvóm sojedinívšaja, i odpádšeje jestestvó róda nášeho nebésnym sovokúpľšaja: Nenadéždnych jedína nadéždo, i pobiždájemych pomóščnice, hotóvoje zastuplénije k tebí pribihájuščych, i vsích christiján pribížišče: Ne hnušájsja mené hríšnaho i skvérnaho, skvérnymi pómysly, i slovesý, i ďijáňmi vsehó sebé nepotrébna sotvóršaho, i slastém i unýniju, ľínosti nrávom, rabá bývšaho. No jáko čelovikoľubívaho Bóha Máti, čelovikoľúbňi umilosérdisja o mňí hríšňim i blúdňim, i prijmí mojé ot skvérnych ustén prinosímoje tebí molénije, i tvojehó Sýna, i našého Vladýku i Hóspoda, máternym tvojím derznovénijem objémši, umolí, da otvérzet i mňí čelovikoľúbnoje milosérdije svojejá báhosti, i prezrív mojá bezčíslennaja sohrišénija, obratít mjá na pokajánije, i svojích zápovidej ďílateľa iskúsna javít mjá. Predstáni mňí prísno, jáko mílostivaja, i milosérdaja, i blahoľubívaja, v nastojáščej séj žízni téplaja predstáteľnice i pomóščnice, soprotívnych polkí othoňájušči, i ko spaséniju nastavľájušči mjá: I vo vrémja ischóda mojehó okajánnuju dúšu sobľudájušči, i témnyja óbrazy lukavých bisóv daléče ot nejá otrivájušči: V strášnyj že déň právednaho sudá víčnyja mjá izbavľájušči mukí, i neizrečénnyja slávy tvojehó Sýna i Bóha našehó nasľídnika mjá javľájušči. Júže i da ulučú, Vladýčice mojá presvjatája Bohoródice, tvojehó rádi chodátajstva i zastuplénnija, blahodátiju i čelovikoľúbijem jedinoródnaho Sýna tvojehó, Hóspoda i Bóha i Spása nášeho Isúsa Christá: Jemúže podobájet vsjákaja sláva, čésť i poklonénije, so beznačáľnym jehó otcém, i presvjatým i blahím i životvorjáščim jeho Dúchom, nýňi i prísno i vo víki vikóv Amíň.

Táže: I dážď nám Vladýko, na són hrjadúščym pokój duší, i ťíla i sochraní nás ot mráčnaho sná hrichóvnaho, i ot vsjákaho témnaho sladostrástija. Utiší stremlénija strastéj, uhasí ražžénnyja stríly lukávaho, jáže na ný lukávno dvížimyja, i vostánije plóti nášeja utolí, i vsjákoje zemnóje i véščnoje náše mudrovánije uspí. I dáruj nám Bóže, bódr úm, i cilomúdr pómysl, sérdce trezvjáščejesja, són lehók, i vsjákaho sataniná mečtánija neiskúsen. Vozstávi že nás vo vrémja molítvy, utverždénnych v zápovidech tvojích, i pámjať sudéb tvojích v sebí výnu imúščich. I vsenóščnoje slavoslóvije nám dáruj, vo jéže píti i blahoslovíti i sláviti prečestnóje i velikoľípoje imja tvojé, Otcá, i Sýna, i vsjatáho Dúcha, nýňi i prísno, i vo víki vikóv, amíň.

Preslávnaja prisnoďívo Bohoródice, prijmí molítvy náša, i donesí já Sýnu tvojemú i Bóhu nášemu, da spasét tebé rádi dúši náša.

Upovánije mojé Otéc, pribížišče mojé Sýn, i pokrovíteľ nám jésť Dúch svjatýj, Trójce svjatája, sláva tebí.

Tropár, hlás 6: Pomíluj nás Hóspodi, pomíluj nas: vsjákaho bo otvíta nedoumíjušče, sijú tí molítvu jáko Vladýci hríšniji prinósim: pomíluj nas.

Slava: Hóspodi pomíluj nás, na ťá bo upováchom, ne prohňívajsja na ný zílo, nižé pomjaní bezzakónij nášich, no prízri i nýňi jáko milosérd; i izbávi ný ot vráh nášich; ty bo jesí Bóh náš, i my ľúdije tvojí, vsí ďilá rukú tvojéju, i ímja tvojé prizyvájem.

I nyňi: Milosérdija dvéri otvérzi nám Blahoslovénnaja Bohoródice, naďíjuščiji sja na ťá da ne pohíbnem, no da izbávimsja tobóju ot bíd: ty bo jesí spasénije róda christijánskaho.

Jeréj: Pomíluj nás Bóže po velícij mílosti tvojéj, molimtisja, uslýši i pomíluj.

Ľ.: Hóspodi pomíluj 3x

Jeréj: Ješčé mólimsja o jéže sochranítisja hrádu semú i vsjákomu hrádu, vesí i straňí ot hláda, hubíteľstva, trúsa, potópa, hráda, óhňa, mečá, našéstvuja innopleménnik, i Méžduosóbnyja bráni: i o jéže mílostivu býti, blahouvítlivu i blahopreminíteľnu, bláhomu i čelovikoľubívomu Bóhu nášemu, i otvratíti vés hňív svój na ný dvižáščijsja, i izbáviti nás ot naležáščaho právednaho svojehó preščénija i pomílovati nás.

Hóspodi pomíluj 3x

Jeréj: Uslýši ný Bóže Spasíteľu náš, upovánije vsím koncém zemlí i súščym na móri daléče: i mílostive mílostiv búdi nám o hrisích nášich, i pomíluj nás. Mílostiv bo čelovikoľúbec Bóh jesí, tebí slávu vozsylájem, Otcú i Sýnu, i svjatómu Dúchu, nýňi i prísno i vo víki vikóv amíň.

Jeréj: Sláva tebí, Christé Bóže, upovánije náše, sláva tebí.

Sláva i nýňi: Hóspodi pomíluj 3x blahosloví:

Jeréj: Christós ístinnyj Bóh náš, molítvami prečístyja svojeá Mátere, prepodóbnych i bohonósnych otéc nášich, i vcsích svjatých, pomílujet i spasét nás, jáko bláh i čelovikoľúbec.

Amíň