Akatist svjatým učítelem Slovénskim Methódiju i Kirillu
Kondák 1
Izbránniji ot Carja sil Hóspoda Isúsa vo Apóstoly jazýkom Slovénskim, Methódije i Kirille Bohomúdriji, písňmi voschvaľájem vás predstátelej nášich: vy že, jáko imúščiji derznovénije ko Hóspodu, ot vsjákich nás napástej predstáteľstvom vášim svobodíte zovúščich: Rádujtesja, Methódije i Kirille, jazýk Slovénskich Apóstoli i Bohomúdriji učítelije
Rádujtesja, Methódije i Kirille, jazýk Slovénskich Apóstoli i Bohomúdriji učítelije.
Ikos 1
Ánhelov Tvorec i Hospoď sil predustávi vás býti prosvitíteli jazýkom Slovénskim: tohó rádi i blahodáť Jehó bi s vámi, ohraždájušči i ukripľájušči vás vo vsja dni životá vášeho: júže pomóščnicu sebi imúšče, slávu Bóžiju vo hraďích i pustýnech, díly i slovesý viščáli jeste vsim. Tímže i my, jáko otrasľ jazýk víroju Christóvoju ot vás prosvíščennych, vospivájem vás hlahóľušče:
Rádujtesja, rádosti Jevánheľskija blahovistítelije.
Rádujtesja, čudodíjstvennyja blahodáti nosítelije.
Rádujtesja, skórbi mnóhi za ímja Hóspodne prijávšiji.
Rádujtesja, prélesti míra sehó otvérhšiji.
Rádujtesja, izďítska Bóhom blahoslovénniji.
Rádujtesja, vincý ispovidníčeskimi ot Nehó ukrašénniji.
Rádujtesja, jáko slávu čelovíčeskuju prezrívše, v pustýni Hóspoda iskáli jeste.
Rádujtesja, jáko vóľu Jehó síľnym míra sehó so mnóhim derznoveníjem blahovistíli jeste.
Rádujtesja, sich rádi ot Vladýki vsich v raj svítel prijátiji.
Rádujtesja, pred Ním náši tépliji chodátaje.
Rádujtesja, jáko vášimi molítvami víri nášej utverždénije ímamy.
Rádujtesja, jáko predstáteľstvom vášim jéresej odolénije sťažáchom.
Rádujtesja, Methódije i Kirille, jazýk Slovénskich Apóstoli i Bohomúdriji učítelije.
Kondák 2
Víďiv svjatýj Kirill, ješče sýj ótrok, v noščí viďínije, jáko izbráti jemú Sofíju ďívu sestrú sebí, rodítelem sija povída. Tíji že razumívše zďi vóľu Bóžiju vo jéže býti čádu ich premúdrosti služíteľu, veľmí o naučéniji i nakazániji jehó pekóšasja: zrjášče že skóroje jehó v rázumi prespijánije, pojáchu Bóhu: Allilúja.
Allilúja. Allilúja. Allilúja.
Ikos 2
Rázum nedorazumínnyj i jestestvó súščich ispytúja Kirill, v premúdrosti páče svérstnik svojích prespiváše, i ješče ótrok syj proslávisja, i v paláťich cárskich vo óbraz blahíj júnomu sýnu carévu vodvorén bi. No bohátstvo i slávu zemnúju prezrív, i jéže jedíno na potrébu spasénija iščá v pustýňu vselísja, da poščéňmi i molítvami bezstrástija dostíhnet. Sich že rádi i Methódij, vojevóda užé syj, otíde na horú Olýmp, idíže jáko ínok Hóspodu služáše. Tímže naučímsja i my iskušénija míra preziráti, naipáče že Christú Bóhu uhoždáti, uhódniki Jehó vospivájušče síce:
Rádujtesja, slávoju jáže ot čelovík ne preľstívšijisja.
Rádujtesja, pustynožíteľstvu kripci priľipívšijisja.
Rádujtesja, jáko Hospoď prosviščál vy jesť v sónijich i viďínijich.
Rádujtesja, jáko i múdrosť čelovíčeskaja posóbstvova vám vo spasenije.
Rádujtesja, jáko Slóvo Bóžije i svjatých Otéc pisánija páče filosofiji vozľubíli jeste.
Rádujtesja, jáko Hóspodňa zakóna ne slýšatelije zabýtlivi býste, no tvorcý.
Rádujtesja, jáko kózni diávolskija na pustynožíteli nachoďáščyja pobidíli jeste.
Rádujtesja, jáko sich rádi dadésja vám vlasť nad iskušéňmi i strasťmí.
Rádujtesja, jáko pódvizi váši sťažáša vám vinéc životá.
Rádujtesja, jáko i nýňi podvížnikom i póstnikom posóbnicy jeste.
Rádujtesja, vsim hríšnym pred Bóhom bláziji zastúpnicy.
Rádujtesja, dúš nášich ot lésti satanínskija zaščítnicy.
Rádujtesja, Methódije i Kirille, jazýk Slovénskich Apóstoli i Bohomúdriji učítelije.
Kondák 3.
Síla molénij carévych ponúdi svjatáho Kirílla pustýňu ostáviti, služénija rádi pástyrska v Carehráďi, iďíže slávu Bóžiju účeňmi i ďíly viščáše, i jéres ikonobórnuju posramjáše. Ťímže i nás, o svjatýj ótče, v pravosláviji utverdí, otpádšyja že ot ístinnyja víry jedinopleménniki náša k jedinovíriju vozvratí, da vsí Slovéne jedíňimi ústy vopijut o prosvitítelech svojích Christú Bóhu: Allilúia.
Allilúia. Allilúia. Allilúia.
Ikos 3.
Imija premudrosti silu, potekl jesi, svjatyj Kirille s monachom Georgijem ko Agarjanom, sťazanija radi o viri, i ot svjataho Grigorija Bohoslova duchovno prosvíščajem, premudrosť tajiny Svjatyja Trojcy vo mnozich podobijich pokazal jesi, posramľaja nečestivych siloju sloves tvojich. Tiji že zavistiju raspaľajemi, voschoťíša zelijem pohubiti ťa, jehože vkuš ne preterpil jesi vreda, no zdrav pribyl jesi ko svjatomu Methodiju vo obiteľ i s nim kupno inočeskija trudy paki podjal jesi: i prosvitísja pustyňa podvihov vašich svitom. Timže i nas predstateľstvom vašim prosvitite ľuboviju pojuščich:
Rádujtesja, dobrohlasniji slavy Božija kimvali.
Rádujtesja, Cerkve Jeho tverdiji stolpi.
Rádujtesja, tajinu Troicy v podobijich propovidavšiji.
Rádujtesja, voploščenije Boha Slova pred Sracyny netrepetno ispovidavšiji.
Rádujtesja, Jellinov i Judejev i varvarov prosvititelije.
Rádujtesja, Trijedinaho Božestva blahovistitelije.
Rádujtesja, jako vami posramisja lesť ikonobornaja.
Rádujtesja, jako ot vas uvjadajet nečestije Agarjanskoje.
Rádujtesja, jako istinu Christovu neviduščiji imuť vy učiteli.
Rádujtesja, jako iskušajemiji somnínijem obritajut vy v viri nastaviteli.
Rádujtesja, jako prohňivavšiji Hospoda imuť vas pred Nim predstateli.
Rádujtesja, jako uhoždajuščiji Jemu imijut vy pokroviteli.
Rádujtesja, Methódije i Kirille, jazýk Slovénskich Apóstoli i Bohomúdriji učítelije.
Kondak 4.
Burju različnych bid i zol na jazyky Slovenskija nachoďaščuju predstatelstvom vašim razorite, prepodobniji, jako služenij mnohich žrebij prijali jeste, i vo Apostlsťim bo lici, i v prepodobnych sonmi, i vo učitelej česti, i vo ispovidnikov voinstvi včini vas Hospoď, da vsi Slovene vopijut Jemu o vas: Alliluja.
Alliluja. Alliluja. Alliluja.
Ikos 4.
Slyša car Kozaresk, jako istinnaja vira v straňi Jellinov ispovidujetsja, isprosi sebi ot carja Vizantijska učitelej pravoslavija. Sej že umoli svjatych Kirilla i Methodija ostaviti pustyňu i plyti pontom Jevksinskim k Kozarom. K nimže prišedše svjataja bratija, obratiša serdca ich ko Christu i spasiteľnoje kreščenije prepodaša im. S ťimiže i my proslavim ravnoapostoľnych bratij, holahoľušče:
Rádujtesja, neubojavšijisja sniti ko varvarom so jevanheľskim blahovistijem.
Rádujtesja, ozarivšiji more slavnym svojim tamo šestvijem.
Rádujtesja, jako svjataho Apostola Klimenta netľinnyja mošči ot vas obriteny byša.
Rádujtesja, jako toho pomoščiju nečestije Kozarsko ot vas posramisja.
Rádujtesja, jako svit Christov straňi polunoščňij prepodali jeste.
Rádujtesja, jako pravednosti vašeja slava vo vsja koncy zemli prostresja.
Rádujtesja, Cerkve Christovy predstateľstvo i utverždenije.
Rádujtesja, ot jeresej i raskolov naše kripkoje ohraždenije.
Rádujtesja, ot Agarjan i Judej prijavšiji za Christa ukorenije.
Rádujtesja, ot moščej mučenika sniskavšiji blahoslovenije.
Rádujtesja, počitaniju uhodnikov blahim obrazom žitija vašeho nas naučivšiji.
Rádujtesja, i sami, jako uhodnici Božiji ot vsich pravoslavnych ispovidujemiji.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondak 5.
Bohotečna zvizda javisja vam svjataho Klimenta netľinnoje ťilo vosplyv na volnach ponta Jevksinskaho, na jehože dni ot sedmisot ľit sokryto ležaše. Vam že javil je jesť tvorjaj čudesa Hospoď v znamenije trudov apostoľskich i skorbej ispovidničeskich vašich. Ježe razumivše, vozopiste Bohu: Alliluja.
Alliluja. Alliluja. Alliluja.
Ikos 5.
Vidivše svjataja bratija soplemennyja im Sloveny, istinnuju viru ispovidujušča, Slovo že Božije svojim im jazykom česti ne vidušča, potščašasja Božestvennyja knihi na jazyk Slovenski prelahati, da vsi ľudije na srodňim im jazyki Jedinoho vsich Hospoda proslavľat: timže i my proslavim Hospoda o svjatitelech našich, imže vozopijim:
Rádujtesja, podatelije Christova svita narodom inoplemennym.
Rádujtesja, prosvititelije Sloven vam soplemennych.
Rádujtesja, ďilatelije vinohrada Christova.
Rádujtesja, pastyrije dobriji stada Iisusova.
Rádujtesja, Slova Božija virniji tolkovnicy.
Rádujtesja, naši blaziji i krotciji učitelije.
Rádujtesja, mir Christov s soboju vsjudu pronesšiji.
Rádujtesja, mir ves svitom učenij vašich prosvitivšiji.
Rádujtesja, i nyňi prijemľuščiji molenija nas hrišnych.
Rádujtesja, i nyňi posylajuščiji uťišenije pečaľnym.
Rádujtesja, vsich za istinu uhnetennych pribižišče.
Rádujtesja, Ducha Svjataho prečestnoje žilišče.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondak 6.
Propovidnicy Bohonosniji byvše svjataja bratija, vo strany Slovenskija idoša, prosvititi novokreščennyja ľudi Christovym učenijem. Tiji že uzrivše vas, jako Anhelov svitlych spasenije blahovistiti hrjaduščich, jako pastyrej dobrych dušu svoju za ovcy polahajuščich, vozopiša proslavľajuščemu svjatyja svoja Bohu: Alliluja.
Alliluja. Alliluja. Alliluja.
Ikos 6.
Vozsijati v Moraviji zari istinnyja viry, isprosiša kňazi Slovenski ot carja Vizantijskaho vo strany svoja učiteli i utverditeli ľudem. Sich že molenija uslyšavše, svjatiji Methodij i Kirill vo strany Slovenskija podvihošasja propovidajušče jevanhelije Carstvija Božija Slovenskim jazykom. Ježe uviďivše, vozradovašasja Slovene i otvsjudu ko svjatym bratijam pritekajušče, zakonu Božiju poučachusja, Hospoda slavjašče i prosvititeli svoja chvaľašče, s nimiže i my, vkupi vospojim Methódija i Kirilla, vzyvajušče:
Rádujtesja, Apostoli naši Bohoholaholiviji.
Rádujtesja, učitelije naši blahodatniji.
Rádujtesja, ispovidnicy naši, mnohoje derznovenije imuščiji.
Rádujtesja, pustynnici naši prepodobniji.
Rádujtesja, molitvennici naši tepliji.
Rádujtesja, čudotvorcy naši svitliji.
Rádujtesja, slaviti Boha vsimi jazyky zaviščavšiji.
Rádujtesja, trejazyčnuju jeres dobľstvenno obličivšiji.
Rádujtesja, Slovenom v hod skorbi utišenije.
Rádujtesja, vo obstojanijich ťažkich nadeždo ich i zastuplenije.
Rádujtesja, prinosjaščiji ko Vladyci vsich naša pokajannyja molitvy.
Rádujtesja, i sami o nas k Nemu vynu moľaščijisja.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondak 7.
Choťášče izhnáti vý iz strán Slovénskich svjaščénnicy latínstiji oklevetáša vý pred jepískopom Rímskim. Jehdá že séj s moščmí svjatáho Klímenta prišédšich vás uzrí i pravovírie váše i dóbroje žitijé uviďí, ábije posramí klevetávšyja na vý korystoľúbcy, vás že ímenem Christóvym blahosloví, pojá Bóhu: Allilúia.
Alliluja. Alliluja. Alliluja.
Ikos 7.
Dívniji apóstoli javíšasja, svjatája brátija, ne imúšče pokója v truďích svojích: svjatýj bo Kiríll ot pódvihov mnóhich iznemóh, skóro po prišéstviji v Rím živót svój skončá. Svjatýj že Methódij révnostiju bráta svojehó ukriplén i ot pápy Adriána blahodátiju archijeréjskoju počtén, k pódvihom nóvym, v Moráviju i Pannóniju vozvratísja, iďíže trudý mnóžajšyja ponesé, ímže divjáščesja, vospojím svjatúju brátiju, zovúšče:
Rádujtesja, dóbriji slúzi Christóvy.
Rádujtesja, jáko dáže do smérti vírniji istiňi prebýli jesté.
Rádujtesja, Hóspodevi, a ne čelovíkom uhoždávšiji
Rádujtesja, ímene jehó rádi ponošénija ot čelovík prijávšiji.
Rádujtesja, čréz vsé žitijé na nívi Hospódnej potrudívšijisja.
Rádujtesja, i po smérti ot pástvy svojejá ľubóviju ne otlučívšijisja.
Rádujtesja, svít míru i sóľ zemlí bývšiji.
Rádujtesja, jáko svitíľnik horjáj vo tmí jazýkov svitívšiji.
Rádujtesja, jáko hrád verchú horý ot vírnych i nevírnych ne utajívyjsja.
Rádujtesja, zápovidi Hospódni sotvóršiji i inych naučívšiji.
Rádujtesja, seho rádi véliji vo cárstviji Bóžijem narečénniji.
Rádujtesja, na zemlí v cérkvi Hospódnej proslévlenniji.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondak 8.
Stranno prestavlenije svjataho Kirilla vsim javisja: ne o žizni bo vremenňij pomyšľaše, no Hospoda o novoprosvišcennych im cerkvach moľaše, da utverdit ja v pravoslaviji i ot trejazyčnyja jeresi i pročich napastej i bid da ohradit ja, svjataho že Methodija uviščavaje hlahoľa: se, brate, supruha volov bjachovi, jedinu brazdu ťažušča, i az na lesi padaju, tečenije skonča: ty že ľubiši svjatuju horu veľmi, ne mozi ubo hory radi ostaviti učenija jazykov Slovenskich. Timže, tolicij revnosti svjatych bratij ďivjaščesja, vospojim Bohu: Alliluja.
Alliluja. Alliluja. Alliluja.
Ikos 8.
Ves pridan byv dušeju že i tilom zavitu brata svojeho, svjatyj Methodij ne ubojasja preščenij kňažeskich, ni klevet ot jerejev latinskich, ni zatočenija temnična, no vsja sija jako doblij vojin Christov preterpivaja, ne presta jazyky Slovenskija i pastvu svoju dobri praviti i prosvišcati dondeže v starosti opočí i k svjatómu Kirillu vo blaženuju obiteľ rajskuju prestavisja. K nimže my vospojim tepľi:
Rádujtesja, vincem terpinija na zemli vičnanniji.
Rádujtesja, svitom vičnym na nebesi osijaniji.
Rádujtesja, podvižnicy nišciji duchom, jako vaše jesť Carstvije Nebesnoje.
Rádujtesja, plakavšiji mnoho, jako obiľno uťišistesja.
Rádujtesja, krotciji, jako nasľidiste vo Chrisťi zemli Slovenskija.
Rádujtesja, alkavšiji i žaždavšiji pravdy, jako nasytistesja v selenijich nebesnych.
Rádujtesja, milostiviji, jako ne sami tokmo pomilovanii jeste, no i inym milosti ot Boha chodataji byste.
Rádujtesja, čistiji srdcem, jako dnes Boha licem k licu zrite.
Rádujtesja, mirotvorci človekom byvšiji, jako synove Božiji narekostesja.
Rádujtesja, izhnanniji pravdy radi, jako vaše jesť Carstvije Božije.
Rádujtesja, jako voznenavidini biste ot čelovik i honenije i klevety prijali biste Christa radi.
Rádujtesja i veselitesja, jako mzda vaša mnoha na nebesich.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondák 9.
Vsjakija kozni na strany Slovenskija nachoďaščyja, bodro razorjali jeste, prepodobniji: ťímže i nýňi ne ostavite nas smirennych i hrišnych, no vsja Sloveny v pravoslaviji i jedinomysliji utverdite, da vsi jediňimi usty i jediňim serdcem vopijut proslavivšemu vas Bohu: Alliluia.
Alliluia. Alliluia. Alliluia.
Ikos 9.
Vitiija mnohoviščannyja, jako ryby bezhlasny zrim o vas, prepodobniji: nedoumijut bo kako i v pustyni duchom vitali jeste, i posreďi čelovikov neusypnymi podvihi podvizastesja. My že radujuščesja, jako takovyj imamy učiteli i molitvenniki, proslavľajem vas hlahoľujuče:
Radujte sa, istinnyja viry ispovidnicy.
Radujte sa, Carstvija Božija nasľidnicy.
Radujte sa, jeresi ikonobornyja obličitelije.
Radujte sa, judejstva posramitelije.
Radujte sa, trejazyčnuju jeres popravšiji.
Radujte sa, Slovenom dveri Carstvija Nebesnaho otverzšiji.
Radujte sa, vojini Christovy ješče v žitiji ot Neho slavoju vinčaniji.
Radujte sa, i v slavi svojej duch smirennomudriija sobľúdšiji.
Radujte sa, zlaja jako Isaja i Jeremija ot jednopleménnik za blahaja prijavšiji.
Radujte sa, jako Daniil i Jestir za jazyk svoj chodatajstvovavšiji.
Radujte sa, so vsimi svjatymi nemercajuščim svitom osijavajemiji.
Radujte sa, so vsimi uhodniki Božijimi o nas hrišnych Hospodu moľaščijisja.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondák 10.
Spasti choťa novoje stado Christovo ot volkov myslennych, svjatyj Metodij na odri smertňim učeniki svoja veľmi moľaše tverdo stojati vo istinňij viri, niže koznej vražeskich ustrašatisja, no i v skorbech i napastech za vsja blahodariti Boha, pojušče: Alliluia.
Alliluia. Alliluia. Alliluia.
Ikos 10.
Sťina jeste vsim o pravoslaviji truďaščymsa, i zastuplenie k vam s virojiu pritekajuščym, Metodije i Kirille Bohomodriji, ibo nebesé i zemli Tvorec izbra vas byti na zemli lovcy čelovikom, posľidi že na nebesich k liku Apostol sopričte. Ťimže i nam umolite blahodati Jeho darom podatisja, umilenno vopijuščym takovaja:
Radujte sa, dobroditeľmi jako vyssonom ukrašenniji.
Radujte sa, v premudrosti s Solomonom sravnšijisa.
Radujte sa, vozdržanijem i molitvoju velikim Antoniju i Pachomiju upodobľšijisa.
Radujte sa, jako velikij Vasilij i Ioann Zlatoustyj, siloju slova odarenniji.
Radujte sa, jako cilomudrijem Iosifovi podobni byste.
Radujte sa, terpiniju Iovlevu podražavšiji.
Radujte sa, nezlóbijem carju i proroku Davidu sorevenovanšiji.
Radujte sa, revnostiju po viri Iliji upodobivšijisa.
Radujte sa, jako podobno Pavlu i Ioannu Bohoslovu Christa Boha vozľubili jeste.
Radujte sa, jako Daniil i trije otroci mužestveno Boha proslavivšiji.
Radujte sa, jako Anhelom i svjatym Božijim sožiteľstvujete.
Radujte sa, jako i my hrišniji imja vaše s virojiu prizyvajem.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondák 11.
Pinije blahodarnoje prinosjašče ko Hospodu, predstáteli nam hrišnym vas darovavšemu, so umilenijem molim vy, svjatiji učitelije naši, ne vozhnušatisja nas, ľinosti radi našeja, niže otstupiti ot nas ťažkich radi bezzakonij našich, no milosrdije ot Hospoda vsim isprositi vopijuščym Jemu o vas: Alliluia.
Alliluia. Alliluia. Alliluia.
Ikos 11.
Svitozarnuju Apostol Slovenskich dvoicu voschvaľajušče virniji, ustranimsa svojich nam rasprej i razdorov, pače že rozďileniij v viri, jedinenie že ducha v sojuzi mira bľudušče, vospojim svjatych učitelej našich, tako:
Radujte sa, hromohlasnyja truby Jevanheľskaho blahovistija.
Radujte sa, husli sladkozvučnyja propovidi spasenija.
Radujte sa, kripciji pravdy račitelije.
Radujte sa, nepokolebimiji nepravdy istrebitelije.
Radujte sa, radosti podatelije vsim byvšiji.
Radujte sa, skorbej napadenija otvsjudu vosprijavšiji.
Radujte sa, mzdy i vozdajánij trudom svojim ot čelovik ne iskavšiji.
Radujte sa, o neblahodarnych ľudech Bohu molivšijisja.
Radujte sa, Anhel Božijich i svjatych Jeho podvihi i dobroďiteľmi svojimi radovavšiji.
Radujte sa, radosti vičnyja kupno s nimi vo obitelech blažennych naslaždeniji.
Radujte sa, zvizdy svitom istiny sijájuščyja.
Radujte sa, sami dobroďitelej vašich svitom osijanniji.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondák 12.
Blahodať jedinenija i mira isprosite nam, prepodobniji, iže mir vo vsem miri do konca mirskaho žitija vašeho blahovistivšiji, jako da i my ot vsich raskolov i iskušenij svobodivšesja v miri vospojim, jako druhi vas vozľubivšemu, Jedinomu Mirotvorcu vsich Hospodu: Alliluia.
Alliluia. Alliluia. Alliluia.
Ikos 12.
Pojušče vaše divnoje žitije na zemli i slavu jaže na nebesi pomyšľajušče, smirenno molim vas, svjatiji učitelije, silu svyše pravoslavnym Christijanom na vrahi nevidimyja i vidimyja darovati i vsja narody Slovenskija v jedinenije viry prizvati, da vsi vospojut virno vzyvajušče:
Radujte sa, pravoslavija tverdoje ohraždenije.
Radujte sa, inoslavija živoje obličenije.
Radujte sa, ischoždenije Ducha Svjataho ot Otca točiju, jako otdrevle prijachom ispovidavšiji.
Radujte sa, službu Božiju soveršati komuždo svojim si jazykom zaviščavšiji.
Radujte sa, prepodobnych v pravednosti utverždenije.
Radujte sa, i bezzakonnych k zakonu obraščenije.
Radujte sa, jako vami i my vo ispolnenije Cerkve vnidochom.
Radujte sa, jako vami Slovo Božije na srodňim nam jazyci dostiže.
Radujte sa, jako molitvami vašimi aki zabralom kripkim ot vrahov našich ohraždajemsja.
Radujte sa, jako predstateľstvom vašim vičnyja žizni spodobľajemsja.
Radujte sa, vsim Slovenom pastyrije i otcy, ichže radi jesmy vsi bratije.
Radujte sa, jako vas radi, bratija sušče po ploti, i po duchu bratija Christu sotvorichomsja.
Rádujtesja, Methódije i Kirille, jazyk Slovenskich Apostoli i Bohomudriji učitelije.
Kondák 13.
O prečudniji i predivniji jazyk Slovenskich učitelije, svjatiji rovnoapostoľniji Methódije i Kirille, nyňi prijimše molenije naše, vsja Sloveny ot nachoďaščich im zol i bid svobodite, v miri i jedineniji sochranite i k Carstviju Nebesnomu predstateľstvom vašim privedite vsich vo umileniji o vas pojuščich Bohu: Alliluia.
Alliluia. Alliluia. Alliluia.
Tento kondák sa opakuje trikrát.
Potom Ikos 1: Anhelov Tvorce: a kondák 1: Izbranniji.
Modlitba svätým rovnoapoštolom Metodovi a Cyrilovi
O preslavniji jazyk Slovenskich učitelije i prosvititelije, svjatiji rovnoapostoľniji Methódije i Kirille! K vam, jako čada k otcem, svitom učenij i pismen vašich prosvičenniji i v viri Christovoj nastavlenniji, nyňi userdno pribihajem i v sokrušeniji serdec našich molimsa. Ačce bo i zavit vašich, jako čada nepokorivaja, ne sochranichom, i o uhoždenii Bohu, jakože učiste, nebrehochom, i ot jedinomyslija i ľubve, juže Slovenom, jako bratijam v viri i po ploti, dobri zaviščaste, otpadochom: obače, jakože drevľi v žitiji vašem neblahodarnych i nedostojnych ne otvraščaste tšči, no blahimi za zlaja vozdavaste: tako i nyňi hrišnych i nedostojnych čad vašich molitvy ne otvratite, no jako velije imušče derznovenije ko Hospodu, priľižno Toho molite, da nastavit i obratit nas na puť spasenija, raspri že i razdory, posreďi jedinovírnych bratij voznikajuščyja, umirit, otpadšyja paki vo jedinomyslie privedet i vsich nas jedinenijem ducha i ľubve vo jediňij, svjaťij, soborňij i apostolsťij Cerkvi sojedinit. Vimy bo, vimy, jako mnoho možet molitva pravedniča ko blahoserdiju Vladyki, ašče i o hrišnych ľudech prinosima byvajet. Ne ostavite ubo nas unylych i nedostojnych čad vašich, ichže hrich radi pastva vaša, vami sobrannaja, vraždoju razďiľajema i soblazny ot inovírnych preľščajema, umalisja, ovcy že jeja slovesnyja razsijevajemy ot volkov myslennych voschiščajutsja: dadite ubo nam molitvami vašimi o pravoslaviji revnosť, da jeju vozhrivajemi otečeskaja predanija dobri sochranim, ustavy i obyčaji cerkovnyja virno sobľudáti potščimsa, vsakich lžeučenij strannych otbižím, i tako v žitiji Bohouhodňim na zemli prespivajušče, žizni rajskija na nebesi spodobimsa, i tamo s vami vkupi Vladyku vsich v Troici jedinaho Boha proslavim vo viki vikov. Amíň.