Malé povečerie 23.6.

Jeréj: Blahoslovén Boh náš vsehdá nýňi i prísno i vo víki vikóv.

(ášče že ňísť jeréja moľáščasja, načinájem: M**olítvami svjatých otéc nášich, Hóspodi Iisúse Christé Bóže náš, pomíluj nás.)

I mý: Amíň.

Sláva Tebí Bože náš, sláva Tebí.

Carjú nebésnyj, uťišiteľu, dúše ístiny, íže vezďí sýj i vsjá ispolňájaj, sokróvišče blahích i žízni podáteľu, priidí i vselísja v ný, i očísti ný ot vsjákija skvérny, i spasí, bláže, dúšy náša.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Amíň.

Hóspodi, pomíluj. (6x)

Hóspodi, pomíluj. (6x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 50

Pomíluj mja, Bóže, po velícij mílosti tvojéj. – I po mnóžestvu ščedrót tvojích očísti bezzakónije mojé. – Najpáče omýj mja ot bezzakónija mojehó, i ot hrichá mojehó očísti mja. – Jáko bezzakónije mojé az znáju, i hrich moj predomnóju jesť výnu. – Tebí jedínomu sohriších i lukávoje pred tobóju sotvorích, jáko da opravdíšisja vo slovesích tvojích, i pobidíši vnehdá sudíti ti. – Se bo v bezzakónijich začát jesm, i vo hrisích rodí mja máti mojá. – Se bo ístinu vozľubíl jesí: bezvístnaja i tájnaja premúdrosti tvojejá javíl mi jesí. – Okropíši mja yssópom i očíščusja, omýješi mja, i páče sňíha obíľusja. – Slúchu mojemú dási rádosť i vesélije, vozrádujutsja kósti smirénnyja. – Otvratí licé tvojé ot hrich mojích: i vsja bezzakónija mojá očísti. – Sérdce čísto sozíždi vo mňi, Bóže, i duch prav obnoví vo utróbi mojéj. – Ne otvérži mené ot licá tvojehó, i Dúcha tvojehó svjatáho ne ottimí ot mené. – Vozdážď mi rádosť spasénija tvojehó, i Dúchom vladýčnym utverdí mja. – Naučú bezzakónnyja putém tvojím, i nečestíviji k tebí obraťátsja. – Izbávi mja ot krovéj, Bóže, Bóže, spasénija mojehó: vozrádujetsja jazýk moj právďi tvojéj. – Hóspodi ustňí mojí otvérzeši, i ustá mojá vozvisťát chválu tvojú. – Jáko ašče by voschoťíl jesí žértvy dal bych úbo, vsesožžénija ne blahovolíši. – Žértva Bóhu duch sokrušén: sérdca sokrušénna i smirénna Boh ne uničižít. – Ublaží, Hóspodi, blahovolénijem tvojím Sijóna, i da soziždutsja sťíny Jerusalímskija. – Tohdá blahovolíši žértvu právdy, voznošénije i vsesožžehajémaja, tohdá vozložát na oltár tvoj telcý.

Psalóm 69:

Bóže v pómošč mojú voňmí, Hóspodi, pomoščí mi potščísja. – Da postyďátsja i posrámjatsja, íščuščiji duší mojejá. – Da vozvraťátsja vspjať i postyďátsja, choťáščiji mi zlája. – Da vozvraťátsja ábije styďáščesja, hlahóľuščiji mňi: bláhože bláhože. – Da vozrádujutsja i vozveseľátsja o tebí vsi íščuščiji tebé Bóže, i da hlahóľut výnu: da vozvelíčitsja Hospoď, ľúbjaščiji spasénije tvojé. – Az že nišč jesm i ubóh, Bóže, pomozí mi. –Pomóščnik moj i izbáviteľ moj jesí ty, Hóspodi, * ne zakosní.

Psalóm 142:

Hóspodi uslýši molítvu mojú, vnuší molénije mojé vo ístiňi tvojéj, uslýši mja vo právďi tvojej. – I ne vnídi v súd s rabóm tvojím, jáko ne opravdítsja pred tobóju vsjak živýj. – Jáko pohná vrah dúšu mojú, smiríl jesť vo zémľu živót moj. – Posadíl mja jesť v témnych jako mértvyja víka, i uný vo mňi duch moj: vo mňi smjatésja sérdce mojé. – Pomjanúch dni drévnyja: poučíchsja vo vsich ďíľich tvojích, vo tvorénijich rukú tvojéju poučáchsja. – Vozďích k tebí rúci mojí, dušá mojá jako zémľa bezvódnaja tebí. – Skóro uslýši mja, Hóspodi, isčezé duch moj. – Neotvratí licá tvojehó ot mené, i upodóbľusja nischoďáščym v rov. – Slýšanu sotvorí mňi zaútra mílosť tvojú, jáko na ťa upovách. – Skaží mňi, Hóspodi puť vo oňže pojdú, jáko k tebí vzjach dúšu mojú. – Izmí mja ot vrah mojích, Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. – Duch tvoj blahíj nastávit mja na zémľu právu, ímene tvojehó rádi, Hóspodi, živíši mja právdoju tvojéju. – Izvedéši ot pečáli dúšu mojú, i mílostiju tvojéju potrebíši vrahí mojá. – I pohubíši vsja stužájuščyja duší mojéj, jáko áz rab tvoj jésm. – Uslýši mja Hóspodi v právďi tvojéj, i ne vnídi v sud s rabóm tvojím. – Uslýši mja Hóspodi v právďi tvojéj, i ne vnídi v sud s rabóm tvojím. – Duch tvoj blahíj,* nastávit mja na zémľu právu.

Male slavoslóvije

Sláva vo výšnich Bóhu, i na zemlí mir, vo čelovícich blahovolénije. Chválim ťa, blahoslovím ťa, kláňajemtisja, slavoslóvim ťa. - Blahodarím ťa, velikíja rádi slávy tvojejá, Hóspodi, Cárju nebésnyj. - Bóže Otče vsederžíteľu, Hóspodi, Sýne jedinoródnyj Isúse Christé, i Svjatýj Dúše, Hóspodi Bóže. - Áhnče Bóžij, Sýne Otč. - Vzémľaj hrich míra, pomíluj nas.- Vzémľaj hrichí míra, prijmí molítvy náša. - Siďáj odesnúju Otcá, pomíluj nás. - Jáko ty jedín svjat, ty jedín Hóspoď, Isús Christós, vo slávu Bóha Otcá, amíň. - Na vsjak deň blahoslovím ťa, i voschválim ímja tvojé vo vik, i vo vik víka. - Hóspodi, pribížišče byl jesí nam, vo rod i rod. - Az rich, Hóspodi, pomíluj mja, i iscilí dúšu mojú, jáko sohriších tebí. - Hóspodi, k tebí pribihóch, naučí mja tvoríti vóľu tvojú, jáko ty jesí Bóh moj. - Jáko u tebé jesť istóčnik životá, vo svíťi tvojém úzrim svít. - Probávi mílosť tvojú víduščym ťa. - Spodóbi, Hóspodi, v nošč sijú, bez hrichá sochranítisja nám. - Blahoslovén jesí, Hóspodi Bóže Otéc nášich, i chváľno i proslávlenno ímja tvojé vo víki, amíň. - Búdi, Hóspodi, mílosť tvojá na nás, jákože upováchom na ťa. - Blahoslovén jesí, Hóspodi, naučí nás opravdánijem tvojím. - Blahoslovén jesí, Vladýko, vrazumí nás opravdánijem tvojím. Blahoslovén jesí, Svjatýj, prosvití nás opravdániji tvojími. - Hóspodi, mílosť tvojá vo vík, ďil rukú tvojejú ne prézri.- Tebí podobájet chvalá, tebí podobájet pínije.- Tebí sláva podobájet, Otcú i Sýnu i Svjatómu Dúchu - I nýňi i prísno,* i vo víki vikóv, amíň

Víruju vo jedínaho Bóha Otcá, vsederžíteľa, tvorcá néba i zemlí, vídimych že vsich i nevídimych. – I v jedínaho Hóspoda Isúsa Christá Sýna Bóžija * jedinoródnaho, iže ot Otcá roždénnaho préžde vsich vik. – Svíta ot svíta, Boha ístinna ot Boha ístinna, * roždénna, nesotvorénna, jedinosúščna Otcú, ímže vsja býša. – Nas ďíľa čelovik, i nášeho rádi spasénija sšédšaho s nebés, * i voplotívšahosja ot Dúcha svjáta, i Maríji Ďívy, i vočelovíčšasja. – Raspjátaho že za ny pri Pontíjsťim Piláťi, i stradávša i pohrebénna, * – i voskrésšaho v tréťij deň po pisánijem. – I vozšédšaho na nebesá, i siďáščaho odesnúju Otcá, * i páki hrjadúščaho so slávoju sudíti živým i mértvym, jehóže cárstviju ne búdet koncá. – I v Dúcha Svjatáho, Hóspoda životvorjáščaho, * iže ot Otcá [i Sýna] ischoďáščaho – Iže so Otcém i Sýnom spoklaňájema i soslávima, * hlahólavšaho Proróki. – Vo jedínu, svjatúju, sobórnuju i apostolskuju Cérkov. – Ispovíduju jedíno kreščénije * vo ostavlénije hrichóv. – Čáju voskresénija mértvych. * I žízňi búduščaho víka. Amíň.

kanón presvjaťíj Bohoródici. Hlás 1.

[Písň 1]

irmós: Písň posľídňuju pojím vsí Bóhu, sotvóršemu dívnaja čudesá mýšceju vysókoju, i spásšemu Izráiľa, jáko proslávisja.

Kupiná ťa voobražáše Bohorodíteľnice: óhň bo nosíla jesí voístinnu nepostojánnyj, prebývši neopáľna. Ťímže ťá vírnymi hlásy pisnoslóvim prísno.

Obólksja v čelovíka Bóh Slóvo, iz tebé páče smýsla voplotísja, prečístaja. Ťím ťá vsjákoje dychánije slavoslóvit, i poklaňájetsja tebí, i po dólhu čtít.

Sláva: Začalá jesí prečístaja, neizrečénnoje Slóvo, vsjá soderžáščeje zemnýja koncý, i sijé rodilá jesí: jehóže molí priľížno, pomílovati nás.

I nýňi: Jáže jedína bezľítnaho Bóha v ľíto róždši voploščénna, prečístaja Vladýčice, strástnyja mojejá duší vseľítnyja strásti iscilí.

[Písň 3]

irmós: Da utverdítsja sérdce mojé v vóli tvojéj Christé Bóže, íže nad vodámi nébo utverždéj vtoróje, i osnovávyj na vodách zémľu vsesíľne.

Da obožít čelovíčestvo, Bóh býsť čelovík, iz tebé Ďívo čístaja, páče slóva i smýsla: sehó rádi ťá sohlásno vírniji ublažájem.

Íže jestestvóm neopísannyj, voplóščsja iz tebé napisásja, Bohoblahodátnaja čístaja: jehóže neprestánno molí, uščédriti, i prosvitíti dúšy blažáščich ťá.

Sláva: Neplódstvovavšija mýsli mojejá neplódija vsjá otžení, i plodonósnu dobroďíteľmi dúšu mojú pokaží, presvjatája Bohoródice, vírnych pomóščnice.

I nýňi: Izbávi mjá preneporóčnaja vsjákaho obstojánija, i mnóhich soblázn zmijévych, víčnujuščaho ohňá i ťmý, jáže svít róždšaja nám nevečérnij.

[Písň 4]

irmós: Dúchom províďa proróče Avvakúme, Slovesé voploščénije, propovídal jesí vopijá: vnehdá priblížitisja ľítom, poznáješisja, vnehdá prijití vrémeni, pokážešisja: sláva síľi tvojéj Hóspodi.

V prečístoje tvojé črévo vselísja Christós, vsesvjatája Vladýčice, oboží nás, plóť prijém oduševlénnu. Ťím ťá čístuju Máter pravoslávno vospivájem, Vladýčice, míru pomóščnice.

Svjatája Bohoródice, osvjatí nás, jáže presvjatáho róždšaja plótiju, upodóbitisja choťívša čelovíkom: i nebésnaho cárstvija vsích javí, prečístaja, pričástniki molítvami tvojími.

Sláva: Ďívo Bohoródice, neskvérnaja síne, oskvérnšahosja prehrišéňmi očísti mjá nýňi ščedrót tvojích čístymi zarjámi, i dážď mí rúku pómošči, da zovú: sláva síľi tvojéj Hóspodi.

I nýňi: Cérkov osvjaščénnaja Bóhovi javílasja jesí, v ťá vséľšemusja Ďívo páče umá: tohó molí, hrichóv nášich skvérnu očístiti: jáko da chrámy pokážemsja, i žilíšča Dúchu.

[Písň 5]

irmós: Tvój mír dážď nám Sýne Bóžij, inóho bo rázvi tebé Bóha ne znájem, ímja tvojé imenújem, jáko Bóh živých i mértvych jesí.

Mértva mjá soďíla inohdá vo Jedémi vkušénije lukávoje: živót že róždši čístaja, íže drévom drévle umerščvlénnaho oživotvorí, da ťá slavoslóvja vospiváju.

Spasí mja vsečístaja, ot bíd ľútych: vozdvíhni ot strastéj hnójnych, i izbávi mjá pľinénija i ozloblénija lukávych bisóv, ľubóviju čtúščaho ťá.

Sláva: Óblak i ráj, i dvér svíta, trapézu i runó znájem ťá, i stámnu vnútr mánnu nosjášču, sládosť míra, čístaja Ďívo Máti.

I nýňi: Róždši preneporóčnaja Bóha Jemmanújila, čelovíka jávi za milosérdije bývšaho: sehó molí jáko čelovikoľúbca čístaja, uščédriti ľúdi sohríššyja.

[Písň 6]

irmós: Jáko Jónu proróka, vozvedí Christé Bóže živót mój ot tlí, vopijú ti čelovikoľúbče, jáko žízň u tebé jésť, i netľínije, i síla.

Oskvernénnaho mjá mnóhimi hrichí, moľú ťa súščuju blahúju i neskvérnuju skíniju: omýj ot vsjákija skvérny, chodátajstvom tvojím.

okormlénije mí búdi čístaja, v ľúťij pučíňi žitéjskich napástej oburevájemomu, i nastávi k spasíteľnomu pristánišču, i spasí mja.

Sláva: Trevolnénija pómysl, i strastéj naviďínija, i hlubiná hrichóv, okajánnuju mojú dúšu oburevájut: pomozí mi svjatája Vladýčice.

I nýňi: Svjaščénija síň pronarečénnaja Maríje, oskvernénnuju slasťmí okajánnuju mojú dúšu osvjatí, i božéstvennyja slávy pričástnika mjá sotvorí.

Táže: Hóspodi pomíluj, tríždy. Sláva, i nýňi:

Sidálen, hlás 1. Podóben: Hrób tvój: Ďívo i pitáteľnice jedínomu ot Tróicy, rajú krásnyj, zemných spasénije, pokróvom tvojím spásáj blahočéstno vospivájuščich ťá: tý bo rodilá jesí vo prorócich hlahólavšaho, tý nosíla jesí soderžáščaho vsjáčeskaja, jáko Máti Christá Bóha.

[Písň 7]

irmós: Súščym v peščí otrokóm tvojím Spáse, ne prikosnúsja, nižé stuží óhň. Tohdá trijé jáko jedíňimi ustý pojáchu i blahoslovľáchu, hlahóľušče: blahoslovén Bóh otéc nášich.

Beznačáľnaho Otcá Sýn vo črévo tvojé vselísja, priím načálo: jáko da nás izbávit jáko Bóh, ot lukávych načál ťmý, Bohorodíteľnice čístaja, kláňajuščichsja jemú.

Ispeščréna božéstvennymi dobroďíteľmi, čístaja Ďívo, rodilá jesí Slóvo, sobeznačáľnoje Otcú, dobroďíteľmi nebesá voístinnu pokrývšeje: jehóže molí prísno uščédriti nás.

Sláva: Osvjatí náša pomyšlénija, utverdí vsích dúšy Máti Bóžija, tvoríti dóbri opravdánija, za milosérdije neizrečénnoje, voploščénnaho iz tebé Ďívo Slóva beznačáľnaho Otcá.

I nýňi: Umerščvlénnyj strasťmí mnóhimi preneporóčnaja, oživí úm mój, i Bohouhódnaja tvoríti ukripí mja, da veličáju ťá jáko zastúpnicu prísno christiján i upovánije.

[Písň 8]

irmós: Jehóže užasájutsja ánheli, i vsjá vójinstva, jáko tvorcá i Hóspoda, pójte svjaščénnicy, proslávite ótrocy, blahoslovíte ľúdije, i prevoznosíte vo vsjá víki.

Izbavľájemsja preneporóčnaja, tvojími k Bóhu bďínnymi molítvami vsjáčeskich iskušénij, ťá Bohoródicu znájuščiji blahoslovénnuju i prerádovannuju.

Voploščájetsja bezplótnyj iz tebé Bohoľípno: jehóže molí prečístaja, strásti plóti tvojejá umertvíti, i oživíti mojú dúšu umerščvlénuju hrichí.

Sláva: Isciľívšaho sokrušénije Adáma pérstnaho Spása róždšaja prečístaja i Bóha: jehóže molí, jázvy duší mojejá iscilíti, neiscíľno boľáščyja.

I nýňi: Vozstávi ležáščaho vo hlubiňí zól, i jáže nýňi borjúščyja mjá pobidí vrahí, sňídšyja bezmístnymi slasťmí dúšu mojú: ne prézri mené čístaja, no uščédri i spasí mja.

[Písň 9]

irmós: Svitonósnyj óblak, vóňže vsích Vladýka, jáko dóžď s nebesé na runó sníde, i voplotísja nás rádi, býv čelovík, beznačáľnyj, veličájem vsí jáko Máter Bóha nášeho čístuju.

Svít božéstvennyj róždšaja, preneporóčnaja, ot Otcá vozsijávšij, omračénnuju mojú dúšu lesťmí žitijá, i bývšuju vrahóm posmích, uščédri, i svítu pokajánija spasíteľnaho spodóbi, čístaja.

Svitovídnyj ťá óblak, preneporóčnaja, Isáia zrjáše, iz nehóže vozsijá nám sólnce právednoje: tájno tvár prosvití: sehó rádi ťá víroju vospivájem dóbruju v ženách.

Sláva: Hrichoľubív sýj v ľínosti živú, i sudíšča, čístaja, neumýtnaho trepéšču, na némže mjá sobľudí, tvojími svjatými moľbámi, Ďívo Bohonevísto, neosuždénaho: da jáko zastúpnicu ublažáju ťá prísno.

I nýňi: Trepéšču sudíšča Ďívo, i nezabýtnaho očesé tvojehó Sýna, soďílav mnóhi hrichí na zemlí. I sehó rádi tebí vopijú: vsemílostivaja Vladýčice, pomozí mi, i tohdášnija mjá núždy izmí neosuždénnaho čístaja.

Dostójno jésť jáko vo ístinu blažíti ťá Bohoródicu, prisnoblažénnuju i preneporóčnuju i Máter Bóha nášeho. Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv.

Kondák pázdnika

Ášče ňísť prázdnika troparí sijá:

Hlás 4. Bóže otec nášich, tvorjáj prísno s námi po tvojéj krótosti, ne otstávi mílosti tvojejá ot nás, no molítvami ích v míri uprávi živót náš.

Vo vsém míri múčenik tvojích krovmí, jáko bahrjaníceju i víssom, cérkov tvojá ukrasívšisja, ťími vopijét tí Christé Bóže: ľúdem tvojím ščedróty tvojá nizposlí, mír žíteľstvu tvojemú dáruj, i dušám nášym véliju mílosť.

Sláva, hlás 8. So svjatými upokój, Christé, dúšy ráb tvojích, íďíže ňísť boľízň, ni pečáľ, ni vozdychánije, no žízň bezkonéčnaja.

I nýňi: Molítvami, Hóspodi, vsích svjatých i Bohoródicy, tvój mír dážď nám, i pomíluj nás, jáko jedín ščédr.

Hóspodi pomíliuj 40x

Molitva: Íže na vsjákoje vrémja i na vsjákij čas, na nebesí i na zemlí poklaňajemyj i slávimyj, Bóže blahíj, dolhoterpilívyj i mnohomílos-tivyj, právednyja ľubjáj, i hríšnyja mílujaj, vsjá zovýj ko spaséniju, obiščánija rádi búduščich blah: sám, Hóspodi, priimí í náša v čás séj molítvy, i isprávi živót naš, k zápovidem tvojím dúšy náša osvjatí, ťilesa očísti, pomyšlénija isprávi, rázum ucilomúdri, i istrézvi, i izbávi nás ot vsjákija skórbi, zól i boľíznej, i ohradí nas svjatými ánhely tvojími, jáko da opolčénijem ich sobľudájemi í nastavľájemi, dostíhnem v jedínstvo víry, i v rázum neprikosnovénnyja tvojejá slávy: jáko blahoslovén jesí vo víki vikóv, amiň.

Hóspodi pomiluj 3x.

Sláva: I nýňi:

Čestňíjšuju Cheruvím i slávňijšuju bez srávnenija Serafím, bez istľínija Bóha Slóva róždšuju súščuju Bohoródicu ťá veličájem.

Ímenem Hóspodnim blahoslovi ótče.

Svj. Bóže, uščédri my, i blahosloví ny, prosvití licé tvojé na ny, í pomíluj ny.

Ľ.: Amiň.

Molítva: Neskvérnaja, nebláznaja, netľínnaja, prečístaja Ďívo, Bohonevísto Vladýčice, Bóha Slóva čelovíkom preslávnym tvojím roždestvóm sojedinívšaja, i odpádšeje jestestvó róda nášeho nebésnym sovokúpľšaja: Nenadéždnych jedína nadéždo, i pobiždájemych pomóščnice, hotóvoje zastuplénije k tebí pribihájuščych, i vsích christiján pribížišče: Ne hnušájsja mené hríšnaho i skvérnaho, skvérnymi pómysly, i slovesý, i ďijáňmi vsehó sebé nepotrébna sotvóršaho, i slastém i unýniju, ľínosti nrávom, rabá bývšaho. No jáko čelovikoľubívaho Bóha Máti, čelovikoľúbňi umilosérdisja o mňí hríšňim i blúdňim, i prijmí mojé ot skvérnych ustén prinosímoje tebí molénije, i tvojehó Sýna, i našého Vladýku i Hóspoda, máternym tvojím derznovénijem objémši, umolí, da otvérzet i mňí čelovikoľúbnoje milosérdije svojejá báhosti, i prezrív mojá bezčíslennaja sohrišénija, obratít mjá na pokajánije, i svojích zápovidej ďílateľa iskúsna javít mjá. Predstáni mňí prísno, jáko mílostivaja, i milosérdaja, i blahoľubívaja, v nastojáščej séj žízni téplaja predstáteľnice i pomóščnice, soprotívnych polkí othoňájušči, i ko spaséniju nastavľájušči mjá: I vo vrémja ischóda mojehó okajánnuju dúšu sobľudájušči, i témnyja óbrazy lukavých bisóv daléče ot nejá otrivájušči: V strášnyj že déň právednaho sudá víčnyja mjá izbavľájušči mukí, i neizrečénnyja slávy tvojehó Sýna i Bóha našehó nasľídnika mjá javľájušči. Júže i da ulučú, Vladýčice mojá presvjatája Bohoródice, tvojehó rádi chodátajstva i zastuplénnija, blahodátiju i čelovikoľúbijem jedinoródnaho Sýna tvojehó, Hóspoda i Bóha i Spása nášeho Isúsa Christá: Jemúže podobájet vsjákaja sláva, čésť i poklonénije, so beznačáľnym jehó otcém, i presvjatým i blahím i životvorjáščim jeho Dúchom, nýňi i prísno i vo víki vikóv Amíň.

Táže: I dážď nám Vladýko, na són hrjadúščym pokój duší, i ťíla i sochraní nás ot mráčnaho sná hrichóvnaho, i ot vsjákaho témnaho sladostrástija. Utiší stremlénija strastéj, uhasí ražžénnyja stríly lukávaho, jáže na ný lukávno dvížimyja, i vostánije plóti nášeja utolí, i vsjákoje zemnóje i véščnoje náše mudrovánije uspí. I dáruj nám Bóže, bódr úm, i cilomúdr pómysl, sérdce trezvjáščejesja, són lehók, i vsjákaho sataniná mečtánija neiskúsen. Vozstávi že nás vo vrémja molítvy, utverždénnych v zápovidech tvojích, i pámjať sudéb tvojích v sebí výnu imúščich. I vsenóščnoje slavoslóvije nám dáruj, vo jéže píti i blahoslovíti i sláviti prečestnóje i velikoľípoje imja tvojé, Otcá, i Sýna, i vsjatáho Dúcha, nýňi i prísno, i vo víki vikóv, amíň.

Preslávnaja prisnoďívo Bohoródice, prijmí molítvy náša, i donesí já Sýnu tvojemú i Bóhu nášemu, da spasét tebé rádi dúši náša.

Upovánije mojé Otéc, pribížišče mojé Sýn, i pokrovíteľ nám jésť Dúch svjatýj, Trójce svjatája, sláva tebí.

Tropár, hlás 6: Pomíluj nás Hóspodi, pomíluj nas: vsjákaho bo otvíta nedoumíjušče, sijú tí molítvu jáko Vladýci hríšniji prinósim: pomíluj nas.

Slava: Hóspodi pomíluj nás, na ťá bo upováchom, ne prohňívajsja na ný zílo, nižé pomjaní bezzakónij nášich, no prízri i nýňi jáko milosérd; i izbávi ný ot vráh nášich; ty bo jesí Bóh náš, i my ľúdije tvojí, vsí ďilá rukú tvojéju, i ímja tvojé prizyvájem.

I nyňi: Milosérdija dvéri otvérzi nám Blahoslovénnaja Bohoródice, naďíjuščiji sja na ťá da ne pohíbnem, no da izbávimsja tobóju ot bíd: ty bo jesí spasénije róda christijánskaho.

Jeréj: Pomíluj nás Bóže po velícij mílosti tvojéj, molimtisja, uslýši i pomíluj.

Ľ.: Hóspodi pomíluj 3x

Jeréj: Ješčé mólimsja o jéže sochranítisja hrádu semú i vsjákomu hrádu, vesí i straňí ot hláda, hubíteľstva, trúsa, potópa, hráda, óhňa, mečá, našéstvuja innopleménnik, i Méžduosóbnyja bráni: i o jéže mílostivu býti, blahouvítlivu i blahopreminíteľnu, bláhomu i čelovikoľubívomu Bóhu nášemu, i otvratíti vés hňív svój na ný dvižáščijsja, i izbáviti nás ot naležáščaho právednaho svojehó preščénija i pomílovati nás.

Hóspodi pomíluj 3x

Jeréj: Uslýši ný Bóže Spasíteľu náš, upovánije vsím koncém zemlí i súščym na móri daléče: i mílostive mílostiv búdi nám o hrisích nášich, i pomíluj nás. Mílostiv bo čelovikoľúbec Bóh jesí, tebí slávu vozsylájem, Otcú i Sýnu, i svjatómu Dúchu, nýňi i prísno i vo víki vikóv amíň.

Jeréj: Sláva tebí, Christé Bóže, upovánije náše, sláva tebí.

Sláva i nýňi: Hóspodi pomíluj 3x blahosloví:

Jeréj: Christós ístinnyj Bóh náš, molítvami prečístyja svojeá Mátere, prepodóbnych i bohonósnych otéc nášich, i vcsích svjatých, pomílujet i spasét nás, jáko bláh i čelovikoľúbec.

Amíň