Ornament Ornament

Jeréj: Blahoslovén Bóh náš, vsehdá nýňi i prísno i vo víki vikóv. (ášče že ňísť jeréja moľáščasja, načinájem: Molítvami svjatých otéc nášich, Hóspodi Iisúse Christé Bóže náš, pomíluj nás.) I mý: Amíň.

Sláva Tebí Bože náš, sláva Tebí.

Carjú nebésnyj, uťišiteľu, dúše ístiny, íže vezďí sýj i vsjá ispolňájaj, sokróvišče blahích i žízni podáteľu, priidí i vselísja v ný, i očísti ný ot vsjákija skvérny, i spasí, bláže, dúšy náša.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv. Amíň.

Hóspodi, pomíluj. (6x)

Hóspodi, pomíluj. (6x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Priidíte, poklonímsja carévi nášemu Bóhu.

Priidíte, poklonímsja, Christú, carévi, nášemu Bóhu.

Priidíte, poklonímsja, i pripadém samomú Hóspodu Iisúsu Christú, carévi i Bóhu nášemu.

Psalóm 53.

Bóže, vo ímja tvojé spasí mja * i v siľi tvojéj sudí mi. – Bóže,uslýši molítvu mojú, * vnuší hlahóly úst moích. – Jáko čúždiji vostáša na mjá, i krípcyji vzyskáša dúšu mojú, * i ne predložíša Bóha pred sobóju. – Sé bo, Bóh pomahájet mí, * i Hóspoď zastúpnik duší mojéj. – Otvratít zlaja vrahóm moim: * ístinnoju tvojejú potrebí ích. – Vóleju požrú tebí, * ispovímsja ímeni tvojemú, Hóspodi, jáko bláho. – Jáko ot vsjákija pečáli izbávil mjá jesí, * i na vrahí moja vozzrí óko mojé.

Psalóm 54.

Vnuší, Bóže, molítvu mojú, i ne prézri molénija mojehó, * vonmí mi i uslýši mjá. – Voskorbích pečáliju mojejú, * i smjatóchsja ot hlása vrážija i ot stužénija hríšniča. – Jáko ukloníša na mjá bezzakónije * i vo hňívi vraždováchu mí. – Sérdce mojé smjatésja vo mňí, * i bojázň smérti napadé na mjá. – Strách i trépet priíde na mjá, * i pokrý mja tmá. – I rích: któ dást mí kriľi jáko holubiňi? * i poleščú, i počíju. – Sé, udalíchsja bíhaja * i vodvoríchsja v pustýni. – Čájach Bóha spasájuščaho mjá * ot malodúšija i ot búri. – Potopí, Hóspodi, i razďilí jazýki ích: * jáko víďich, bezzakónije i prerikánije vo hráďi. – Dném i nóščiju obýdet jí po sťinám jehó, * i bezzakónije i trúd posreďí jehó, i neprávda. – I neoskuďí ot stóhn jehó * líchva i lésť – Jáko ášče by vráh ponosíl mí, preterpíl bých úbo. * I ášče by nenavíďaj mjá i na mjá veleríčeval, ukrýlbychsja ot nehó. – Tý že, čelovíče ravnodúšne, * vladyko mój i znájemyj mój. – Íže kúpno naslaždálsja jesí so mnóju brášen: * v domú Božiji chodíchom jedinomyšlénijem. – Da priídet že smérť na ňá, * i da snídut vo ád žívi. – Jáko lukávstvo v žilíščich ích, * posréďí ích. – Áz k Bóhu vozzvách, * i Hóspoď uslýša mjá. – Véčer i zaútra i polúdne povím i vozviščú, * i uslýšit hlás mój. – Izbávit mírom dúšu mojú ot približájuščichsja mňí: * jáko vo mnózi bjáchu so mnóju. – Úslýšit Bóh, i smirít já, * sýj préžde vík. – Ňíst bo ím izminénija, * jáko ne ubojášasja Bóha. - Prostré rúku svojú na vozdajánije. * Oskverníša zavít jehó, - razďilíšasja ot hňíva líca jehó, * i priblížišasja serdcá ích. – Umjáknuša slovesá ích páče jeléja, * i ta súť stríly. – Vozvérzi na Hóspoda pečáľ tvojú, i tój ťá prepitájet: * ne dásť v vík molvý právedniku. – Tý že, Bóže, nizvedéši ích, * v studenéc istľínija. – Múžije krovéj i ľstí ne prepolovját dníj svojích. * Áz že, Hóspodi, upováju na ťá.

Psalóm 90.

Živýj v pómošči výšňaho: * v króvi Bóha nebésnaho vodvorítsja. – Rečét Hospodévi: zastúpnik mój jesí i pribížišče mojé: * Bóh moj i upováju na nehó. – Jáko toj izbávit ťa ot siti lóvči: * i ot slovesé mjatéžna. – Pleščmá svojíma osinít ťa: * i pod kriľí jehó naďíješisja. – Orúžijem obýdet ťa ístina jehó: * ne ubojíšisja ot strácha noščnáho. – Ot strilý leťáščija vo dni, ot véšči vo ťmi prechoďáščija, * ot srjášča, i bísa polúdennaho. – Padét ot straný tvojejá týsjašča i tma odesnúju tebé: * k tebí že ne priblížitsja. – Obáče očíma tvojími smótriši: * i vozdajánije hríšnikov úzriši. – Jáko ty, Hóspodi, upovánije mojé: * výšňaho položíl jesí pribížišče tvojé. – Ne priídet k tebí zlo: * i rána ne priblížitsja k ťílesí tvojemú. – Jáko Ánhelom svojím zapovísť o tebí, * sochraníti ťa vo vsich putéch tvojích. – Na rukách vózmut ťa, * da ne kohdá pretknéši o kámeň nóhu tvojú. – Na áspida i vasilíska nastúpiši: * i poperéši ľva i zmijá. – Jáko na mja upová, i izbávľu jí, pokrýju jí, * jáko pozná ímja mojé. – Vozzovét ko mňi, i uslýšu jehó: * s nim jesm v skórbi, izmú jehó, i proslávľu jehó. – Dolhotóju dnej ispólňu jehó, * i javľú jemú spasénije mojé.

Sláva, i nýňi: Allilúia, allilúia, allilúia. Sláva tebí, Bóže. (3x)

Hóspodi, pomíluj. (3x)

K A T I Z M A

Tropár, hlás 2. Íže v šestýj déň že i čás, na kresťí prihvoždéj, * v rají derznovénnyj Adámov hrích, i sohrišénij nášych rukopisánije razderí, ** Christé Bóže, i spasí nás.

Stích 1: Vnuší, Bóže, molítvu mojú, i ne prézri molénija mojehó. Íže v šestýj déň že i čás, na kresťí prihvoždéj, * v rají derznovénnyj Adámov hrích, i sohrišénij nášych rukopisánije razderí, ** Christé Bóže, i spasí nás.

Stích 2: Áz k Bóhu vozzvách, i Hóspoď uslýša mjá. Íže v šestýj déň že i čás, na kresťí prihvoždéj, * v rají derznovénnyj Adámov hrích, i sohrišénij nášych rukopisánije razderí, ** Christé Bóže, i spasí nás.

Sláva, i nýňi: Bohoródičen: Jáko ne ímamy derznovénija za premnóhija hrichí náša: * ty íže ot tebé róždšahosja molí, Bohoródice Ďívo: * mnóho bo móžet molénije máterneje ko blahosérdiju Vladýki. * Ne prézrí hríšnych moľbý, vsečístaja, * jáko mílostiv jésť í spastí mohíj, * íže i stradáti o nás izvólivyj.

TROPÁR PROROCTVA, PROKIMENY A ČÍTANIE

Tropár proróčestva, hlás 1: V noščí i vo dní pripádajem tebí Hóspodi, podáti ostavlénije hrichóv dušám nášym, da v míri poklonímsja tebí, i slavoslóvim čelovikoľúbče.

Prokímen, psalóm 37, hlás 4: Hóspodi, da ne járostiju tvojéju obličíši mené, nižé hňívom tvojím nakážeši mené

Stích: Jáko stríly tvojá unzóša vo mňí.

Proróčestva Isáijina čténije.

[Hlavá 7, st. 1- 14] Býsť vo dní Acháza sýna Joathámľa, sýna Ozíji, carjá iúdina, vzýde Rasín cár Arámľ, i Fakéj sýn Romelíjev, cár Izráilev na Jerusalím vojeváti na nehó, i ne vozmohóša razoríti jehó. I vozvistísja v domú Davídovi, hlahóľa: soviščásja Arám so Jefrémom. I užasésja dušá jehó, i dušá ľudéj jehó: jákože v dubrávi drévo vítrom voskolébletsja. I rečé Hospóď ko Isáiji: izýdi vo srítenije Acházu, tý, i ostávšijsja Jasúv sýn tvój, k kupíli hórňaho putí, selá bilíľniča. I rečéši jemú: bľudí jéže molčáti, i ne bójsja, nižé dušá tvojá da iznemóžet ot dvojú drévu hlavéň dymáščichsja sích: jehdá bo hňív járosti mojejá búdet, páki isciľú. Sýn že Arámľ, i sýn Romelíjev, jáko soviščásta sovít lukávyj na ťá, hlahóľušče: Vzýdem vo iudéju, i sobesídovavše s ními otvratím já k nám, i vocarím v néj sýna Taveíleva. Sijá že hlahólet Hospóď savaóth, ne prebúdet sovít séj, nižé sbúdetsja: Bo hlavá Arámu Damásk, i hlavá Damásku Rasín: no ješčé šesťdesját i pjáť ľít, oskuďíjet cárstvo Jefrémovo ot ľudéj. Hlavá že Jefrémovi Somorón, i hlavá Somorónu sýn Romelíjev: i ášče ne uvírite, nižé ímate razumíti. I priloží Hospóď hlahólati ko Acházu, rekíj: Prosí sebí známenija ot Hóspoda Bóha tvojehó vo hlubinú, ilí v vysotú. I rečé Acház: ne ímam prosíti, nižé iskušú Hóspoda. I rečé [Isáija] slýšite úbo dóme Davídov, jedá málo vám jésť trúd dajáti čelovíkom, i káko dajeté Hóspodevi trúd? Sehó rádi dást Hospóď sám vám známenije.

Prokímen, psalóm 38, Hlás 6: Uslýši molítvu mojú Hóspodi, i molénije mojé vnuší.

Stích: Rích: sochraňú putí mojá, jéže ne sohrišáti mí jazýkom mojím.

Skóro da predvarját ný ščedróty Tvojá, Hóspodi, jáko obniščáchom ziló. Pomozí nám, Bóže Spáse náš, slávy rádi ímene Tvojehó, Hóspodi, izbávi nás, i očísti hríchí náša, ímene rádi tvojehó.

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv. Amíň.

Troparí, hlás 2. Spasénije soďílal jesí posreďí zemlí, Christé Bóže, * na kresťí prečísťiji rúci Tvojí prostérl jesí, * sobirája vsjá jazýki, zovúščyja: ** Hóspodi, sláva Tebí.

Sláva: Prečístomu óbrazu Tvojemú poklaňájemsja, blahíj, * prosjášče proščénija prehrišénij nášich, Christé Bóže: * vóleju bo blahovolíl jesí plótiju vzýti na krést, * da izbáviši, jáže sozdál jesí ot rabóty vrážija. * Ťím blahodárstvenno vopijém Tí: * rádosti ispólnil jesí vsjá, Spáse náš, ** prišédyj spastí mír.

I nýňi: (v poneďiľnik, vtórnik i četvertók) Milosérdija súšči istóčnik, * mílosti spodóbi nás, Bohoródice, * prízri na ľúdi sohrišívšyja, javí jáko prísno sílu tvojú: * na ťá bo upovájušče, rádujsja vopijém tí, ** jákože inohdá Havrijíl, bezplótnych archistratíh.

I nýňi: (sréda i pjatók) Krestobohoródičen: Preproslávlena jesí, Bohoródice ďívo, pojém ťá: * krestóm bo sýna tvojehó nizložísja ád, * i smérť umertvísja, umerščvléniji vostáchom i životá spodóbichomsja, * ráj vosprijáchom, drévneje naslaždénije. * Ťím blahodarjášče slavoslóvim, * jáko deržávnaho Christá Bóha nášeho, ** i jedínaho mnohomílostivaho.

Hóspodi, pomíluj. (40x) Íže na vsjákoje vrémja i na vsjákij čás, na nebesí i na zemlí poklaňájemyj i slávimyj, Bóže blahíj, dolhoterpilívyj i mnohomílostivyj, právednyja ľubjáj, i hríšnyja mílujaj, vsjá zovýj ko spaséniju, obiščánija rádi búduščich bláh: sám, Hóspodi, primí í náša v čás séj molítvy, i isprávi živót náš k zápovidem Tvojím, dúšy náša osvjatí i ťilesá očísti, pomyšlénija isprávi, rázum ucilomúdri i istrézvi, i izbávi nás ot vsjákija skórbi, zól i boľíznej, i ohradí nás svjatými ánhely Tvojími, jáko da opolčénijem ích sobľudájemi i nastavľájemi, dostíhnem v jedínstvo víry, i v rázum neprikosnovénnyja Tvojejá slávy: jáko blahoslovén jesí vo víki vikóv, amíň.

Hóspodi, pomíluj. (3x) Sláva, i nýňi:

Čestňíjšuju Cheruvím i slávňijšuju bez sravnénija Serafím, bez istľínija Bóha Slóva róždšuju súščuju Bohoródicu ťá veličájem.

Ímenem Hóspodnim blahosloví ótče.

Jeréj: Molítvami svjatých otéc nášich, Hóspodi Iisúse Christé Bóže náš, pomíluj nás.

(ášče že ňísť jeréja moľáščasja, hlahólem: Molítvami svjatých otéc nášich, Hóspodi Iisúse Christé Bóže náš, pomíluj nás.) L: Amiň.

Molítva svjatáho Jefréma Sirína Hóspodi i Vladýko životá mojehó, dúch unýnija, nebrežénija, ľubonačálija í prazdnoslóvija otžení ot mené. (Poklón velíkij)

Dúch že cilomúdrija i smirenomúdrija, terpínija i ľubvé, dáruj mí, rabú Tvojemú. (Poklón velíkij)

Jéj, Hóspodi Carjú, dážď mňí zríti mojá sohrišénija i ne osuždáti bráta mojehó, jáko blahoslovén jesí vo víki vikóv, amiň. (Poklón velíkij)

Táže 12 málych poklón, hľahóľušče na kíjždo:

Bóže, mílostiv búdi mňí hríšnomu. Bóže, očísti hrichí mojá i pomíluj mjá. Bez čislá sohriších, Hóspodi, prostí mjá.

Hóspodi i Vladýko životá mojehó, dúch unýnija, nebrežénija, ľubonačálija í prazdnoslóvija otžení ot mené. Dúch že cilomúdrija i smirenomúdrija, terpínija i ľubvé, dáruj mí, rabú Tvojemú. Jéj, Hóspodi Carjú, dážď mňí zríti mojá sohrišénija i ne osuždáti bráta mojehó, jáko blahoslovén jesí vo víki vikóv, amiň. (Poklón velíkij)

Svjatýj Bóže, svjatýj krípkij, svjatýj bezsmértnyj, pomíluj nás. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Presvjatája Tróice pomíluj nás: Hóspodi, očísti hrichí náša: Vladýko, prostí bezzakónija náša: svjatýj, posití, i iscilí némošči náša, ímene Tvojehó rádi.

Hóspodi, pomíluj. (3x)

Sláva Otcú, i Sýnu, i Svjatómu Dúchu.

I nýňi i prísno, i vo víki vikóv, amíň.

Ótče naš, íže jesí na nebesích, da svjatítsja ímja Tvojé, da priídet cárstvije Tvojé: da búdet vóľa Tvojá, jáko na nebesí i na zemlí. Chľíb náš nasúščnyj dážď nám dnés, i ostávi nám dólhi náša, jákože i mý ostavľájem dolžnikóm nášym: i ne vvedí nás vo iskušénije, no izbávi nás ot lukávaho.

Jeréj: Jáko tvojé jesť cárstvo, i síla, i sláva, Otcá i Sýna, i Svjatáho Dúcha, nýňi, i prísno, i vo víki vikóv. Amíň.

Hóspodi, pomíluj. (6x)

Hóspodi, pomíluj. (6x)

Posém molítvu sijú: Bóže i Hóspodi síl, i vsejá tvári soďíteľu, íže za milosérdije neizrečénnyja mílosti tvojejá, jedinoródnaho Sýna tvojehó, Hóspoda nášeho Isúsa Christá, nizposlávyj na spasénije róda nášeho: i čestným jehó krestóm, rukopisánije hrích nášich rasterzávyj, í pobidívyj ťím načála, i vlá­sti tmý: sám Vladýko čelovikoľúbče, prijmí i nás hríšnych blahodárstvennyja sijá í molébnyja molítvy, i izbávi nás ot vsjákaho vsehubíteľnaho, i mráčnaho hrichopadénija, í vsích ozlóbiti nás íščuščich vídimych í nevídimych vráh, prihvozdí stráchu tvojemú plóti náša, í ne ukloní serdéc nášich v slovesá ilí pomyšlénija lukávstvija, no ľubóviju tvojéju ujazví dúšy náša, da k tebí vsehdá vzirájušče, i jéže ot tebé svítom nastavľájemi, tebé nepristúpnaho i prisnosúščnaho zrjášče svíta, neprestánnoje tebí ispovídanije, í blahodarénije vozsylájem, beznačáľnomu Otcú, so jedinoródnym tvojím Sýnom, i vsesvjatým i blahím, i životvorjáščim tvojím Dúchom, nýňi i prísno, i vo víki vikóv, amíň.

Jeréj: Sláva Tebí, Christé Bóže upovánije náše, sláva Tebí.

Sláva, i nýňi: Hóspodi, pomíluj. (3x) Blahosloví.

Christós ístinnyj Bóh náš, molítvami prečístyja svojejá Mátere, prepodóbnych i bohonósnych otéc nášich, i vsích svjatých, pomílujet i spasét nás, jáko bláh i čelovikoľúbec.

Lík: Amíň.

(ášče molítsja mírjan molítvu, netvorít otpúst sícevyj, no hlahólet tókmo: Sláva, i nýňi: Hóspodi, pomíluj. (3x) Blahosloví. Molítvami svjatých otéc nášich, Hóspodi Iisúse Christé Bóže náš, pomíluj nás. Amíň. Ornament